शिक्षामन्त्रीबाट राजीनामा दिएर म्याग्दीबाट स्वतन्त्र उम्मेदवारी दिएका महावीर पुनले आफू जनताको दिमागमा घन्टी बजाउन राजनीतिमा आएको बताएका छन्।
'दिमागको घन्टी बजाउने क्या, बजाउने घन्टी होइन,' म्याग्दीमा उम्मेदवारी दर्तापछि संवाददाताहरूसँग कुरा गर्दै पुनले भने, 'हामीकहाँ युवाहरूको पनि ढंग छैन। खुट्टा तानातान मात्र छ।'
'हिजो अस्तिसम्म युवाहरूले केही गर्छ कि भनेको थिएँ, उनीहरूले पनि केही गर्दैनन्,' उनले अगाडि भने, 'सबै युवाहरू आफू प्रधानमन्त्री हुन्छु भन्छन् र एकआपसमा मिल्दैनन्।'
पुराना राजनीतिक पार्टीहरू आपसमा नमिल्ने प्रवृत्ति देख्दै आएकामा नयाँ आएका युवाहरूमा पनि त्यस्तै प्रवृत्ति देखिएको उनले बताए।
'पुराना पार्टीको त कुरै नगरौं, उनीहरूको त तानातान नै छ, तर नयाँ युवाहरूमा पनि खुट्टा तानतान देखेर झोँक चल्यो,' उनले भने।
म्याग्दीमा कांग्रेसबाट कर्णबहादुर (केबी) भण्डारी, एमालेबाट हरिकृष्ण श्रेष्ठ, नेपाली कम्युनिस्ट पार्टीबाट अर्जुनबहादुर थापा, राष्ट्रिय स्वतन्त्र पार्टीबाट युवराज रोका उम्मेदवार छन्।
-1746009348.jpg)
