स्पेनमा दुई दिनको अन्तरमा दुई वटा रेल दुर्घटना हुँदा ४२ जनाको मृत्यु भएको छ।
आइतबार स्थानीय समयअनुसार बेलुकी ७:४५ बजे कोर्दोबा राज्यको अदमुजमा दुइटा तीव्र गतिको रेल आपसमा ठोक्किँदा ४२ जनाको मृत्यु भएको थियो।
दुर्घटनामा कम्तिमा १३१ जना घाइते भएको अमेरिकी अखबार द वासिङ्टन पोस्टले जनाएको छ।
इर्यो नामक निजी कम्पनीको रेल मलागाबाट राजधानी म्याड्रिड जाँदै थियो। त्यसमा झन्डै ३ सय यात्रु सवार थिए।
रेन्फे कम्पनीको सरकारी रेल म्याड्रिडबाट दक्षिणपश्चिम तटीय सहर ह्वेल्वा जाँदै थियो। एउटा रेलमा झन्डै तीन सय यात्रु सवार थिए। अर्कोमा कति यात्रु थिए भन्ने खुलेको छैन।
निजी कम्पनीको रेल १२० किलोमिटर प्रतिघन्टाको गतिमा थियो।
अदमुजमा उक्त रेलको अगाडिको तीनवटा डिब्बा पट्रीबाट बाहिर खसेपछि विपरीत दिशबाट आउँदै गरेको सरकारी रेल ठोक्किएको थियो।
त्यसको दुई दिनपछि फेरि अर्को रेल दुर्घटना भएको छ।
अमेरिकी टेलिभिजन नेटवर्क सिएनएनका अनुसार मंगलबार स्थानीय समयअनुसार राति १० बजे बार्सिलोना नजिकै गेलिदा भन्ने स्थानमा अर्को यात्रुवाहक रेल दुर्घटना हुँदा चालकको मृत्यु भएको छ।
गेलिदाबाट सेन्ट सदुरनी दि एनोइया जाँदै थियो।
रेलको अघिल्लो डिब्बा पट्रीबाट खसेपछि भएको दुर्घटनामा चालकको मात्रै मृत्यु भएको छ। दुर्घटनामा ३७ जना घाइते भएको सिएनएनले जनाएको छ।
घाइतेहरूको विभिन्न अस्पतालहरूमा उपचार भइरहेको छ।
दुई दिनमै दुईवटा रेल दुर्घटना भएपछि स्पेनको रेल सुरक्षाबारे प्रश्न उठेको छ।
-1746009348.jpg)
