राष्ट्रिय सभाको रिक्त हुने १८ पदका लागि आज निर्वाचन भयो।
बिहान ९ बजेदेखि अपराह्न ३ बजेसम्म मतदान भएको थियो।
राप्रपाका मतदाता भने राष्ट्रिय सभा निर्वाचनमा सहभागी भएनन्।
प्रवक्ता मोहन श्रेष्ठले राप्रपा राष्ट्रिय सभा निर्वाचनमा सहभागी नभएको बताए।
‘हामी सम्पूर्ण ढंगले प्रतिनिधि सभाको फागुन २१ को निर्वाचन तयारीमा जुटेका छौं,’ उनले भने, ‘राष्ट्रिय सभा निर्वाचनमा हाम्रो पार्टी सहभागी भएन।’
राप्रपाबाट राष्ट्रिय सभा चुनावका लागि उम्मेदवारी पनि परेको थिएन। राष्ट्रिय सभा निर्वाचनमा प्रदेश सांसद र स्थानीय तहका प्रमुख तथा उपप्रमुख मतदाता हुन्छन्।
राष्ट्रिय सभा निर्वाचनका लागि नेपाली कांग्रेस, नेकपा एमाले र लोकतान्त्रिक समाजवादी पार्टीले तालमेल गरेका थिए।
-1746009348.jpg)
