धादिङमा माटोको ढिस्को पहिरिएपछि पुरिएका दुई जनालाई सेनाले उद्धार गरेको छ।
धादिङको बेनिघाट रोराङ गाउँपालिका–३, सलाङघाटमा माटोको ढिस्कोमा पुरिएका दुई जनालाई सेनाले उद्धार गरेको हो।
एक स्थानीयको घर प्लास्टर गर्ने क्रममा माथिबाट अचानक खसेको माटोको ढिस्कोमा परेर दुई जना पुरुष पुरिएका थिए।
घटनाको जानकारी पाएलगत्तै गजुरीस्थित नेपाली सेनाको भैरव दल गणबाट खटिएको टोलीले अन्य सुरक्षा निकायसँगको सहकार्यमा उद्धार कार्य सञ्चालन गरेको थियो।
उद्धारपछि घाइते दुवै जनालाई थप उपचारका लागि मलेखुस्थित टिचिङ हस्पिटल लगिएको नेपाली सेनाले जनाएको छ।
-1746009348.jpg)
