काठमाडौँमा राष्ट्रिय जनमोर्चाको निर्वाचन केन्द्रित तयारी भेला सम्पन्न भएको छ।
शनिबार राजमो केन्द्रीय कार्यालय भवनको सभाकक्षमा सो कार्यक्रम सम्पन्न भएको हो।
भेलाले निमबहादुर बुढाथोकी संयोजक रहेको १३ सदस्यीय चुनाव परिचालन मूल समिति गठन गरेको छ।
समितिको सदस्यमा झबिन्द्र बेलबासे, रमेश पौडेल, दिवाकर सुवेदी, छवि खनाल, जगत रेग्मी, समीर सिंह, अमर पौडेल, ऋतु केसी, मुक्तबहादुर केसी, भक्त विश्वकर्मा, दीपक बन्जाडे र पूजा बेलबासे रहेका छन्।
त्यस्तै भेलाले झबिन्द्र बेलबासे संयोजक रहेको ३०१ सदस्यीय प्रचार प्रसार समिति गठन गरेको छ।
समितिमा राजमोसम्बद्ध जनवर्गीय सङ्गठनका केन्द्रीय समिति, जिल्ला समिति र नगर समितिका सदस्य रहेका छन्।
यस्तै, भेलाले छ वटै निर्वाचन क्षेत्रस्तरीय प्रचार प्रसार समिति गठन गरेको छ।
समितिको संयोजकमा ४ नं. मा मदन शर्मा, ५ नं. मा दानबहादुर खड्का, ६ नं. मा प्रेम भण्डारी, ७ नं. मा ऋतु केसी, ९ नं. मा झबिन्द्र बेलबासे र १० नं. मा धनपति सापकोटा रहेका छन्।
भेलाले माघ २० गतेदेखि फागुन ३ गतेसम्म घरदैलो कार्यक्रम तथा फागुन ४ गतेदेखि १८ गतेसम्म खुल्ला प्रचारप्रसारको कार्यक्रम तय गरेको छ।
राजमोले काठमाडौँ क्षेत्र नं. ४ मा छवि खनाल, क्षेत्र नं. ५ मा अशोकविक्रम सिंह (समीर सिंह), क्षेत्र नं. ६ मा जगत रेग्मी, क्षेत्र नं. ७ मा दीर्घकुमार श्रेष्ठ, क्षेत्र नं. ९ मा रोशन दानी, क्षेत्र नं. १० मा अमर पौडेललाई उम्मेदवार बनाएको छ।
-1746009348.jpg)
