निर्वाचन आयोगले हेमराज थापालाई स्पष्टीकरण सोधेको छ।
थापा बाजुरामा राष्ट्रिय स्वतन्त्र पार्टीबाट प्रतिनिधि सभा निर्वाचनका लागि प्रत्यक्षतर्फ उम्मेदवार छन्।
थापाले दिएको अभिव्यक्तिलाई लिएर निर्वाचन आयोगले स्पष्टीकरण सोधेको हो।
थापाले दिएको अभिव्यक्ति सामाजिक सञ्जालमा भाइरल भएको थियो।
उनले बागमतीका मुख्यमन्त्री ईन्द्र बानियाँलाई लक्ष्य गरी गाली गरेको भन्दै निवेदन परेपछि आयोगले स्पष्टीकरण सोधेको छ।
मुख्यमन्त्री बानियाँले थापाले आफूमाथि आरोप लगाउँदै गाली गरेको भन्दै कानुनी उपचार खोज्ने बताएका थिए।
समयमै सडक नबनाएको भन्दै थापाले मुख्यमन्त्री बानियाँलाई लक्ष्य गरी अभिव्यक्ति दिएका थिए।
मुख्यमन्त्री बानियाँले भने उक्त सडक ठेक्काको अवधि २०८४ सम्म रहेको र हिउँ परेका बेला बाटो बनाउन गाह्रो हुने कुरा बताएका थिए भने आफूले उक्त कम्पनी छाडिसकेको उनको दाबी थियो।
आयोग स्रोतका अनुसार थापालाई ३ दिनभित्र स्पष्टीकरण दिन भनिएको छ।
-1746009348.jpg)
