नेकपा एमालेका उपाध्यक्ष पृथ्वी सुब्बा गुरूङले जनताले नयाँ अनुहार नभइ नयाँ भिजन खोजेको बताएका छन्।
प्रेस चौतारी नेपालले मंगलबार आयोजना गरेको निर्वाचन संवाद कार्यक्रममा बोल्दै गुरुङले नेपाली कांग्रेसले अनुहार मात्रै नयाँ दिन सकेको बताएका हुन्।
‘कांग्रेसमा नयाँ अनुहार आए, नयाँ भिजन आएन,’ गुरुङले भन्नुभयो ‘कांग्रेसको विशेष महाधिवेशनपछि पनि उहाँहरूको सिद्धान्त, विचार र दर्शनमा कुनै फेरबदल भएको छैन। त्यसैले कांग्रेस यथा अवस्थामै छ।’
लामो इतिहास भएका पार्टीको सान्दर्भिकता नसकिने उनको भनाइ छ।
‘केही पार्टी र व्यक्तिले आफूलाई नयाँ अरूलाई पुराना भनेर आरोप गरिरहेका छन्,’ गुरुङले भने, ‘उनीहरू एजेन्डाविहीन हुन्। त्यही भएर उनीहरू पब्लिक फेस गर्न सकेका छैनन्।’
निर्वाचनमा तालमेलको सन्दर्भमा अहिले त्यस्तो अवस्था नभए पनि सम्भावना भने बाँकी रहने उनको भनाइ छ।
-1746009348.jpg)
