भारतको मणिपुरमा लागू गरिएको राष्ट्रपति शासन हटाइएको छ।
भारतको गृह मन्त्रालयले बुधबार एक सूचना जारी गर्दै मणिपुरमा जारी राष्ट्रपति शासन हटाएर पुनः निर्वाचित सरकार सञ्चालनमा ल्याइएको घोषणा गरेको हो।
मणिपुरमा जातीय हिंसा चर्किएपछि अघिल्लो वर्षको फेब्रुअरीमा त्यहाँका मुख्यमन्त्री एन बिरेन सिंहले पदबाट राजीनामा दिएका थिए।
त्यसपछि त्यहाँ राष्ट्रपति शासन लागू गरिएको थियो।
निर्वाचित शासन पुनः सञ्चालनमा आएपछि त्यहाँ भारतीय जनता पार्टीका विधायक युमनाथ खेमचन्दले आजै मुख्यमन्त्रीको शपथ गराउने तयारी रहेको बिबिसीले जनाएको छ।
भाजपाले मंगलबार खेमचन्दलाई प्रदेश सभा संसदीय दल नेता चयन गरेको थियो
त्यसको औपचारिक जानकारी दिँदै बीजेपी मणिपुरले सामाजिक सञ्जाल एक्समार्फत शपथग्रहण कार्यक्रम सार्वजनिक गरेको हो।
यसअघि, विधायक दलको नेता चयन भएपछि प्रधानमन्त्री नरेन्द्र मोदीले एनडीए संसदीय दलको बैठकमा सहभागी भएको जानकारी दिएका थिए। सो बैठकमा देश र सरकारसँग सम्बन्धित विभिन्न महत्त्वपूर्ण विषयमा छलफल भएको जनाइएको थियो।
आजै युमनाम खेमचन्दले मणिपुरका राज्यपाल अजयकुमार भल्लालाई भाजपा नेतृत्वको एनडिएको नेतृत्वमा सरकार गठनका लागि आफूसँग बहुमत सांसदको समर्थन रहेको पत्र बुझाएका छन्।
नयाँ सरकार गठनसँगै राजनीतिक अस्थिरता र हिंसात्मक घटनाबाट प्रभावित मणिपुर स्थायित्व र सामान्य अवस्था फर्किने अपेक्षा गरिएको भनेर बिबिसीले लेखेको छ।
-1746009348.jpg)
