नेपाली कांग्रेसले वरिष्ठ अभिनेता सुनिल थापाको निधनमा दुःख व्यक्त गरेको छ।
शनिबार कांग्रेसका कार्यवाहक मुख्यसचिव कृष्णप्रसाद दुलालले विज्ञप्ती जारी गरी ६८ वर्षीय अभिनेता थापाको निधनप्रति गहिरो दुःख व्यक्ति गरेको हो।
'चार दशकभन्दा बढी समयसम्म अभिनय, मोडलिङ, खेलकूद तथा चलचित्र उद्योगका विविध आयाममा उहाँले पुर्याउनुभएको सशक्त, समर्पित र प्रेरणादायी योगदान नेपाली चलचित्र इतिहासमा सदा अमिट रूपमा अंकित रहनेछ,' कांग्रेसले भनेको छ।
अभिनेता थापाले असामयिक निधनले नेपाली मात्र नभई भारतीय चलचित्र उद्योगमा समेत अपूरणीय क्षति पुगेको कांग्रेले जनाएको छ।
'एक बहुआयामिक व्यक्तित्व, कर्मशील कलाकार र अनुकरणीय स्रष्टाका रूपमा उहाँले छोडेर जानु भएको रिक्तता लामो समयसम्म महसुस भइरहनेछ,' कांग्रेसले भनेको छ।
कांग्रेसले अभिनेता थापाप्रति श्रद्धाञ्जली अर्पण गर्दै उनको आत्माको शान्तिको कामना गरेको छ।
कांग्रेस सभापति गगन थापाले पनि अभिनेता थापाको निधनले आफूलाई दुःखित बनाएङ्को बताएका छन्।
-ink-1756274531.jpeg)
-1746009348.jpg)
