पूर्वमन्त्री तथा नेपाली कांग्रेस नेता दीपक खड्काकी श्रीमती बिनिता खड्काले सर्वोच्च अदालतमा बन्दी प्रत्यक्षीकरणको रिट पेस गरेकी छन्।
सर्वोच्चमा मंगलबार खड्काले बन्दी प्रत्यक्षीकरणको रिट पेस गरेकी हुन्।
‘दिपक खड्काको हकमा निजकी श्रीमती बिनिता खड्काले बन्दी प्रत्यक्षीकरणको रिट निवेदन दर्ता गरेको जानकारी गराउँदछु,’ सर्वोच्चका प्रवक्ता अर्जुनप्रसाद कोइरालाले भने।
खड्कालाई नेपाल प्रहरीको केन्द्रीय अनुसन्धान ब्युरो (सिआइबी) ले आइतबार पक्राउ गरेको थियो।
भदौ २४ गते प्रदर्शनकारीहरूले बूढानीलकण्ठस्थित उनको घर जलाइदिएका थिए।
उनको घरबाट लाखौं रूपैयाँ भेटिएको भन्दै पैसा उडाइएको भिडिओ पनि त्यतिबेला सार्वजनिक भएको थियो।
त्यसबारे अनुसन्धान गर्न खड्कालाई पक्राउ गरिएको प्रहरीले जनाएको छ।
-1746009348.jpg)
