राष्ट्रिय स्वतन्त्र पार्टी (रास्वपा) का सभापति लामिछानेले पार्टी र सरकारमाथि २४ सै घन्टा निगरानी गरिदिन प्रतिपक्षी दलहरूलाई आग्रह गरेका छन्।
‘प्रतिपक्ष दलहरूलाई मेरो विनम्र आग्रह छ। हामीमाथि २४ सै घन्टा निगरानी गरिदिनुहोला,’ प्रतिनिधि सभाको पहिलो बैठकमा बोल्दै सभापति लामिछानेले आग्रह गरे।
शासनमा तपाईंहरूको लामो अनुभव छ भन्दै उनले प्रतिपक्षी दलहरूलाई सरकार र पार्टीका कमजोरी उजागर गरिदिन पनि भने।
‘गल्ती देखाइदिनुहोला। यदि हामीले बाटो बिरायौं भने सच्याइदिनुहोला। यदि हामी जनताबाट टाढा हुन खोज्यौं भने हामीलाई जनताको आवाज सम्झाइदिनुहोला। हामीबाट अहंकार नबढोस्, हामीमा कुनै अहंकार नछाओस्। हाम्रा निर्णयहरू एकतर्फी नहून्। लोकतन्त्रमा सत्तापक्ष र प्रतिपक्ष प्रतिस्पर्धी मात्र होइनन्, एकर्काका पूरक पनि हुन्। एकले काम गर्छ, अर्कोले निगरानी गर्छ, एकले योजना बनाउँछ, अर्कोले परख गर्छ,’ उनले भने।
सरकारले प्रतिपक्षको आवाज कमजोर हुन नदिने उद्घोष गरे।
‘किनकि प्रतिपक्षको आवाज कमजोर बनाइयो र धेरै उपेक्षा गरियो भने लोकतन्त्र कमजोर हुने छ। यो हामीले अस्ति भर्खरै देखिसकेका छौं। यो संसद बहसको थलो हुने छ, प्रतिशोधको होइन,’ उनले भने।
हिजो आफ्नालाई बचाउन र विपक्षीलाई फसाउन कानुनै संशोधन गरिएको बताउँदै कतिपय अवस्थामा अध्यादेश समेत ल्याइएको बताए।
‘त्यस्ता गलत क्रियाकलाप यथाशीघ्र सच्याइने छ। प्रतिपक्षीमाथि अहंकार र प्रतिशोधको त्यो अध्याय अब दोहोरिने छैन। आस्थाका आधारमा फरक व्यवहार हुने छैन,’ उनले भने।
-1775121598.jpg)
-1775034286.jpg)
-1746009348.jpg)
