नेपाली कांग्रेसले सभामुखमा रास्वपा उपसभापति डिपी अर्याललाई समर्थन गर्ने भएको छ।
कांग्रेसले सभामुख पदमा पार्टीबाट उम्मेदवारी नदिने भएको हो।
महामन्त्री प्रदीप पौडेलका अनुसार सभामुखको तटस्थता कायम हुने विश्वाससहित सभामुख पदमा पार्टीले उम्मेदवार दिँदैन।
प्रवक्ता देवराज चालिसेका अनुसार सभामुख पदमा कांग्रेसबाट उम्मेदवार रहँदैन।
‘ठूलो दल रास्वपा छ, जनमतको सम्मान गर्दै सभामुख पदमा रास्वपाकै उम्मेदवारलाई हाम्रो समर्थन रहन्छ,’ उनले सेतोपाटीसँग भने।
सभामुख र उपसभामुख फरक फरक पार्टीबाट हुनुपर्ने व्यवस्था छ।
प्रतिनिधि सभामा रास्वपाका १८२ जना सांसद छन् भने कांग्रेसका जम्मा ३८ जना छन्। रास्वपाको एकल सरकार छ। सभामुखमा विजयी हुन रास्वपालाई अरू दलको साथ पनि चाहिँदैन।
तर कांग्रेसले सभामुख पद तटस्थ रहने भएकोले पनि पार्टीबाट उम्मेदवारी नदिने बताएको छ।
उपसभामुख पदमा भने कांग्रेसले दाबी गरेको छ।
‘सभामुखको हकदार जुन पक्ष हो, त्यहीअनुसार सोच्ने हो भने उपसभामुखको हकदार प्रमुख प्रतिपक्षी नै हो नि!,’ महामन्त्री पौडेलले भने।
सभामुख पदमा एमालेले पनि उम्मेदवारी दिने तयारी गरेको छ।
नेपाली कम्युनिष्ट पार्टीले सभामुख पदमा उम्मेदवारी नदिने तर उपसभामुख पदमा दाबी रहने बताएको छ।
-ink-1775194310.jpeg)
-1775034286.jpg)
-1746009348.jpg)
