नेकपा एमालेको सचिवालय बैठकमा संसदीय दलका नेता रामबहादुर थापा बादलले दिएको अभिव्यक्तिबारे गम्भीरतापूर्वक छलफल भएको बताएको छ।
शुक्रबार च्यालसस्थित पार्टी कार्यालयमा भएको बैठकमा नेपाली सेना लगायत राज्यका सबै सुरक्षा निकाय, निजामती प्रशासन र अन्तर्राष्ट्रिय समुदायप्रति सम्बन्ध पूर्ववत् र मित्रवत् रहेको स्पष्ट पारेको हो।
‘बैठकले मुलुकको संविधान र प्रचलित कानुनबमोजिम निर्माण भएका नेपाली सेनालगायत राज्यका सबै सुरक्षा निकाय, निजामती प्रशासन (व्यूरोक्रेसी) र अन्तराष्ट्रिय समुदायप्रति हाम्रो पार्टीको सम्बन्ध पूर्ववत् एवम् मित्रवत् रहेको र यस्तो सम्बन्ध भविष्यमा अझ सुदृढ बनाइने कुरा स्पष्ट पारेको छ,’ महासचिव शंकर पोखरेलले जारी गरेको विज्ञप्तिमा भनिएको छ।
बैठकले आफ्ना अध्यक्ष केपी शर्मा ओलीको पक्राउ गर्दा गरिएको विरोधका क्रममा गरिएका साइबर आक्रमणको निन्दा गरेको छ।
यसविरूद्ध प्रतिवादमा उत्रिन र कानुनी उपचारमा सक्रिय हुन आह्वान गरेको छ।
त्यसैगरी सरकारले विद्यार्थी संगठनहरू खारेज गर्ने र उनीहरूमाथि प्रतिबन्ध लगाउने निर्णयको कडा शब्दमा विरोध गर्ने निर्णय गरेको छ।
-ink-1775209939.jpeg)
-1775034286.jpg)
-1746009348.jpg)
