राष्ट्रिय सभाको उपाध्यक्ष पदमा नेकपा एमालेकी सांसद लिला भण्डारीलाई अघि बढाउन दलहरू सहमत भएका छन्।
नेपाली कांग्रेस, नेकपा एमाले, नेकपालगायत दलहरूको सहमतिमा भण्डारीलाई रिक्त राष्ट्रिय सभा उपाध्यक्ष बनाउने तयारी रहेको एक जना सांसदले जानकारी दिए।
राष्ट्रिय सभा उपाध्यक्ष पदका लागि आज मनोनयन हुँदैछ।
कांग्रेसका प्रमुख सचेतक कृष्णबहादुर रोकायाले दलहरूबीच सहमतिमै राष्ट्रिय सभा उपाध्यक्षलगायत बनाउने सहमति भएको बताएका छन्।
समितिका सभापतिहरू भने दलहरूले मिलेर लिने भएका छन्। जसअनुसार कांग्रेसले २, नेकपा १ र जसपा १ सभापति लिने सहमति भएको नेताहरूको भनाइ छ।
यसअघि उपाध्यक्ष उर्मिला अर्याल थिइन्। उनको कार्यकाल सकिएपछि यो पद रिक्त थियो।
-1746009348.jpg)
