सभामुख डोलप्रसाद (डिपी) अर्यालले यस पटकको 'बलियो प्रतिपक्षी' जनता भएको टिप्पणी गरेका छन्।
सिंहदरबारस्थित संघीय संसद सचिवालय कार्यकक्षमा पदभार ग्रहण कार्यक्रममा उनले फागुन २१ गते भएको निर्वाचनलाई विशेष निर्वाचनका रुपमा टिप्पणी गरे।
'यो निर्वाचन विशेष निर्वाचन हो। यसबाट आएको म्याण्डेड अहिलेको संसदमा छ', उनले भने, 'सभामुखको हैसियतमा बस्दै गर्दा यसपटकको बलियो प्रतिपक्षी जनता नै हुन्। प्रतिपक्षमा १ जना मात्र किन नहोस्। उहाँहरु प्रतिपक्ष हो। उहाँहरु पावरफुल हुनुहुन्छ। सदन भनेको विशेषत: प्रतिपक्षको हुनुपर्छ भन्ने मैले राम्रोसँग बुझ्न पाएको छु।'
उनले पत्रकाहरुलाई आउँदो २ वर्षसम्म सकरात्मक लेख्न आग्रह गरे।
'हरेक दिन बिहान झ्यालको पर्दा खोलेर हेर्दा हामी कति राम्रो दिन भन्छौं,' सभामुख अर्यालले भने, 'तर बिहानै आँखामा पर्ने पत्रिका र अनलाइनमा धेरै सकारात्मक समाचार पढ्न पाएको छ जस्तो लाग्दैन। दुई वर्ष सकारात्मक बोलौं। सकारात्मक सोचौं। विचरा गरौं। सकरात्मक लेखौं। समाज निर्माणमा पोजेटिभ भाइब दिने कोशिस गरौं। त्यसो भए दुई वर्षमा सरकारले नीति नियम राम्रोसँग बनाउँछ।'
उनले संसदमा प्रतिपक्षले उठाउने विषयलाई आफूले ध्यान दिने बताए। 'विषय उठान र बैठानबाट राम्रोसँग प्रस्तुत गर्न जान्दछु,' सभामुख अर्यालले भने ।
-1775385880.jpeg)
-1746009348.jpg)
