राष्ट्रिय सभामा नेपाली कांग्रेसका सांसद रञ्जित कर्णले कांग्रेसले अघि सारेको भिजन १० र सरकारका एजेन्डाबीच पर्याप्त समानता रहेको बताएका छन्।
उनले भ्रष्टाचार नियन्त्रण र प्रशासनिक सुधारका क्षेत्रमा सहकार्य गर्न आफूहरू तयार रहेको पनि बताए।
‘हाम्रो पार्टी सभापति गगन थापा तथा नेपाली कांग्रेसको भिजन टेन’ र सरकारको एजेन्डाबीच पर्याप्त समानता छ। भ्रष्टाचार नियन्त्रण, संस्थागत सुदृढीकरण र प्रशासनिक सुधारमा हामी सहकार्य गर्न तयार छौं। सकारात्मक प्रस्तावहरूमा हाम्रो पूर्ण समर्थन रहनेछ,’ उनले भने।
साथै उनले कांग्रेस ‘रूपान्तारित कांग्रेस, परिवर्तित देश’ को दृष्टिकोणसहित युवा स्वरोजगार, नवप्रवर्तन र आप्रवासी सीप उपयोगमा केन्द्रित रहेको बताए। ‘स्वदेशमै अवसर सिर्जना गर्न हामी सरकारसँग सहयोगी रहनेछौँ गर्नेछौं,’ उनले भने।
जनअपेक्षा अनुरूप शिक्षा र स्वास्थ्यजस्ता आधारभूत क्षेत्रमा गुणस्तरीय सेवा सुनिश्चित गर्न नसक्नु र सुशासन, पारदर्शिता, रोजगारी तथा सामाजिक न्यायमा स्पष्ट मार्गचित्रसहित अघि बढ्न नसक्नु आजको यथार्थ रहेको उनको भनाइ छ।
‘कांग्रेससँग अनुभव, ऊर्जा र नवप्रवर्तनको सोच छ भने सरकारसँग पनि ऊर्जा र नवप्रवर्तनको इच्छाशक्ति छ। यी दुईको संयोजनले देशलाई सही गति दिन सक्छ,’ उनले भने।
संविधानलाई जीवित राख्न संशोधनमार्फत यसलाई अझ जनमैत्री बनाउन आफूहरू तयार रहेको उनले बताए।
‘विकासका एजेन्डामा राजनीतिक पूर्वाग्रहभन्दा माथि उठेर राष्ट्रिय हितलाई प्राथमिकता दिँदा कांग्रेस ‘रचनात्मक प्रतिपक्ष’ मात्र होइन जिम्मेवार साझेदार’ को भूमिका अदा गर्न तयार रहनेछ,’ उनले भनेका छन्, ‘देश र लोकतन्त्रको हितमा हुने हरेक कदममा हामी साथ रहनेछौँ लोकतन्त्र तर जनहितविपरीत विधि र प्रक्रिया मिचेर गरिने जनविरोधी कुनै निर्णय भए त्यसको पालना गराउन प्रतिवाद र प्रतिरोध पनि गर्नेछौँ म सरकारलाई स्पष्ट पार्न चाहन्छु।’
-1746009348.jpg)
