नेकपा एमालेकी राष्ट्रिय सभा सदस्य रामकुमारी झाक्रीले राज्यको विरूद्धमा देशका संरचनाहरू जलाउँदा केही हुन्न भन्ने कुराको भाष्य कसले सिर्जना गर्यो भन्दै प्रश्न गरेकी छन्। सोमबार राष्ट्रिय सभा बैठकमा बोल्दै उनले सिंहदरबार जलाउन हुन्छ, जलाउँदा केही हुन्न भन्ने भाष्य कसले खडा गरिदियो भन्दै प्रश्न गरेकी हुन्।
‘२४ गते खण्डहर भएका सिंहदरबारहरू, यी जलेका कुराहरू र राज्यको विरूद्धमा जलाउँदा केही हुन्न भन्ने कुराको भाष्य र त्यसरी मनिटरिङ गरेर मानिसहरूलाई कसले पठायो? यसको उत्तर कसले खोज्ने हो? आज सिंहदरबार जलाउन हुन्छ, जलाउँदा केही हुन्न भन्ने भाष्य कसले खडा गरिदियो?,’ उनले प्रश्न गरिन्।
एमाले केन्द्रीय सदस्य रहेकी उनले भदौ २३ र २४ गतेको घटना शान्तिपूर्ण थियो अथवा हिंसात्मकऽ के विद्रोह थियो त? भन्दै पनि प्रश्न गरिन्।
‘त्यसको जिम्मा कसले लिने त? २३ गतेको घटनाका बारेमा प्रतिवेदनहरू आए। आजका नवयुवालाई त्यो ढंगले कसले प्रयोग गर्यो? त्यसको जवाफ आज होइन भोलि र कुनै दिन यही राष्ट्रिय सभाले खोज्ने छ। हामीभन्दा पछिका माननीयज्यूहरूले पनि खोज्नुहुनेछ,’ उनले भनिन्।
-1746009348.jpg)
