सर्वोच्च अदालतले सम्पत्ति शुद्धिकरणको कसुरमा पक्राउ परेका व्यवसायी तथा पूर्वमन्त्री दीपक खड्कालाई यथास्थितिमा राख्न आदेश गरेको छ।
खड्काकी श्रीमती विनिता थापाले दिएको बन्दिप्रत्यक्षीकरणको रिटमा न्यायाधीश तिलप्रसाद श्रेष्ठ र शान्तिसिंह थापाको इजलासले उनलाई रिटको टुंगो नलाग्दासम्म अहिलेकै अवस्थामा यथास्थितिमा राख्न आदेश गरेको छ।
यो रिटको अर्को पेशी बिहीबार पनि तोक्नसमेत सर्वोच्चले भनेको छ।
त्यस्तै, भोलि १२ बजेसम्ममा राजस्व अनुसन्धान विभाग र जिल्ला अदालत ललितपुरबाट खड्कालाई थुनामा राख्दा हेरेका कागजात र थुनामा राख्ने कारण लिखितरूपमा झिकाउन पनि आदेश भएको छ।
‘वैशाख ३ गते १२ बजेसम्ममा प्राप्त हुने गरी राजस्व अनुसन्धान विभाग र ललितपुर जिल्ला अदालबाट निज निवेदकलाई थुनामा राख्नुको कारण सहितको लिखित जवाफ समेत झिकाइ...,’ आदेशमा भनिएको छ, ‘प्रस्तुत रिट निवेदनको वैशाख ३ गते पेशी तोक्नू।’
भदौ २४ गते प्रदर्शनकारीहरूले बूढानीलकण्ठस्थित उनको घर जलाइदिएका थिए।
उनको घरबाट लाखौं रूपैयाँ भेटिएको भन्दै पैसा उडाइएको भिडिओ पनि त्यतिबेला सार्वजनिक भएको थियो।
त्यसबारे अनुसन्धान गर्न खड्कालाई पक्राउ गरिएको प्रहरीले बताएको थियो।
*यसअघि थर र अन्य विवरण गलत पर्न गएकाले सच्याइएको छ- सम्पादक
-1746009348.jpg)
