नेपाली कांग्रेसले ५ जिल्ला सभापतिहरूलाई क्रियाशील सदस्यता बापतको रकम पठाउन पत्राचार गरेको छ।
कांग्रेसले बागलुङ सभापति जित शेरचन, बझाङ सभापति खड्कबहादुर बोहरा, डोटी सभापति नरेन्द्रबहादुर सिंह, कञ्चनपुर सभापति पदम बोगटी र मुगु सभापति ऐनबहादुर शाहीलाई असोज ३ गते दिउँसो १ बजेभित्र रकम पठाउन पत्राचार गरेको हो।
कार्यवाहक मुख्यसचिव कृष्णप्रसाद दुलालले पत्राचार गरेर राष्ट्रिय वाणिज्य बैंकमा रहेको पार्टीको खातामा क्रियाशील सदस्यता बापतको रकम पठाउन आग्रह गर्दै भदौ ३१ गते पत्राचार गरेका हुन्।
यी जिल्ला सभापतिहरूले वडा अधिवेशन सुरू गर्नका लागि आवश्यक तयारी पनि गरेका थिएनन्। कार्यसमितिका अरूलाई नै कार्यवाहक सभापति तोकेर कांग्रेसले अधिवेशन प्रक्रिया अघि बढाउँदैछ।
असोज ३ र ४ गते कांग्रेसले वडा अधिवेशन गर्दैछ।
-1746009348.jpg)
