प्रधानमन्त्री बालेन शाहले संयुक्त राष्ट्रसंघको महासभामा जानुअघि नेपाली कांग्रेसका नेताहरूसँग छलफल गरेका छन्।
प्रधानमन्त्री तथा मन्त्रिपरिषद्को कार्यालय सिंहदरबारमा सोमबार प्रधानमन्त्री शाहले कांग्रेस उपसभापति विश्वप्रकाश शर्मा र संसदीय दल नेता भीष्मराज आङ्देम्बेसँग कुराकानी गरेका हुन्।
संयुक्त राष्ट्रसंघको महासभामा सम्बोधन गर्न जानुअघि आवश्यक छलफलका लागि प्रधानमन्त्रीले प्रमुख प्रतिपक्षी दलका प्रतिनिधिलाई बोलाएको र कुराकानी गरेको प्रधानमन्त्रीको सचिवालयले जनाएको छ।
उपसभापति शर्माले प्रधानमन्त्रीबाट संयुक्त राष्ट्रसंघको महासभामा के-कस्ता विषयवस्तु उठाउन उपयुक्त हुन्छ भनेर कांग्रेसले बनाएको धारणा प्रधानमन्त्रीलाई भेटेर प्रस्तुत गरिएको जानकारी दिए।
‘पार्टी सभापति गगन थापा र सिंगो कांग्रेसको धारणा हामीले प्रधानमन्त्रीसमक्ष प्रस्तुत गरेका छौं, प्रधानमन्त्रीको साथमा सिंगो देश छ भन्ने सन्देश पनि हामीले दिन चाहेका छौं, भोटेकोशी विपद्लाई अन्तर्राष्ट्रियकरण गर्ने र प्रधानमन्त्रीले विश्वको ध्यानाकर्षण गर्न सफल हुनुहोस् भन्ने हाम्रो अपेक्षा छ। अमेरिकालाई बताउँदै गर्दा भोटेकोशी बुझ्दै गर्दा टेक्ससको पीडा सम्झियोस्।’
प्रधानमन्त्री संयुक्त राष्ट्रसंघको महासभामा भाग लिन मंगलबार अपराह्न संयुक्त राज्य अमेरिकातर्फ प्रस्थान गर्ने कार्यक्रम छ।
-1746009348.jpg)
