नेकपा (एमाले) का अध्यक्ष केपी शर्मा ओलीले केन्द्रीय सदस्य कर्ण थापाले ल्याएको छुट्टै प्रस्ताव बैठकमा पेस गर्न रोकेका छन्।
केन्द्रीय कमिटीको बैठकमा थापाले पार्टीका पदाधिकारीहरूमा ७० वर्षे उमेर हद र दुई कार्यकालको सीमा पुनःस्थापना गर्नुपर्ने लगायतका प्रस्ताव ल्याएका थिए।
उनले सातौँ, आठौँ र नवौँ महाधिवेशनबाट अभ्यास गरिएको यो अवधारणालाई नयाँ सन्दर्भमा परिमार्जन गरी विधानमा ल्याउनुपर्ने उल्लेख गरेका छन्।
त्यस्तै, प्रतिनिधिसभा निर्वाचनको परिणाम र राजनीतिक घटनाक्रमको विश्लेषण गर्दै उनले संसदीय फाँटमा लगातार दुई पटकभन्दा बढी उम्मेदवार हुन नपाउने र समानुपातिकतर्फ एक पटक अवसर पाएकालाई नदोहोर्याउने नीति बनाउन सुझाव दिएका छन्।
-1790072299.jpg)
-1746009348.jpg)
