महानगरीय अपराध महाशाखाको काठमाडौंको टेकुमा आफ्नै हिरासत कक्षसहित अत्याधुनिक भवन बन्ने भएको छ।
प्रहरी प्रधान कार्यालयको सिफारिसमा गृह मन्त्रालय र अर्थ मन्त्रालयले प्रहरीका यी दुई भवन बनाउनका लागि १ अर्ब ६८ करोड रुपैयाँ विनियोजन गरेसँगै उपत्यकामा अपराध महाशाखासहित भद्रकालीमा नेपाल आर्मीको हेडक्वाटर नजिकै काठमाडौं प्रहरी परिसरको पनि नयाँ भवन बन्ने भएको छ।
अहिलेसम्म अपराध महाशाखाको आफ्नै हिरासत कक्ष थिएन। ३ सय भन्दा बढी थुनुवा अट्ने गरी अत्याधुनिक भवन बन्न लागेको अपराध महाशाखाका प्रमुख एसएसपी सहकुल थापाले बताए।
२०७२ साल वैशाख १२ गते भूकम्पले काठमाडौंको हनुमानढोकामा रहेको महानगरीय अपराध महाशाखा र काठमाडौं प्रहरीको भवनमा क्षति पुर्याएपछि यी दुई सुरक्षा निकाय टेकु सरेका थिए।
टेकुस्थित नेशनल ट्रेनिङको भवनको केही भाग लिएर काठमाडौं प्रहरी परिसरले आफ्नो काम थालको थियो भने सो भित्रै रहेको एउटा पार्टी प्यालेसको आधा भाग कब्जा गरेर अपराध महाशाखाले पनि काम सुरू गरेको थियो।
४ वर्षभन्दा बढी समय पालमा बसेर काम गरेका यी दुई संगठनले भने अव नयाँ भवन पाउन लागेका हुन्। एक वर्ष भित्रमा निमार्णकार्य सम्पन्न गर्ने गरी नेपाल प्रहरीका आइजिपी सर्वेन्द्र खनालले मंगलबार दुवै भवनको शिलान्यास गर्ने कार्यक्रम रहेको छ।
-1746009348.jpg)
