नेपाल पत्रकार महासंघले प्रमुख प्रशासकीय केन्द्र सिंहदरबारभित्रै धर्ना दिएको छ।
रेडियो नेपालको प्रदेश प्रशारण केन्द्र दिपायलबाट तीन जना पत्रकार निष्काशन गरेको विरोधमा महासंघले रेडियो नेपालको केन्द्रीय प्रसारण केन्द्रको भवनअघि सिंहदरबारमा मंगलबार धर्ना दिएको हो।
महासंघ डोटी शाखा उपाध्यक्ष सुनिता रावल, महासचिव प्रकाश बम र सदस्य चक्र कुँवरलाई केही दिनअघि रेडियो नेपालले निष्काशन गरेको थियो।
निष्काशन गरिएका पत्रकारको पुनर्बहाली तथा श्रमजीवी पत्रकार ऐन र न्यूनतम पारिश्रमिकको कार्यान्वयन हुनुपर्ने माग गर्दै महासंघ सचिव रामप्रसाद दाहालको नेतृत्वमा पत्रकारहरूले सिंहदरबारमा धर्ना दिएका हुन्।
प्रकाशित मिति: मंगलबार, भदौ २४, २०७६, १३:५९:००
.JPG)
