स्वास्थ्य सेवा विभागका महानिर्देशक महेन्द्रप्रसाद श्रेष्ठलाई स्वास्थ्य मन्त्रालय तानिएको छ।
उनीसँगै विभागकै व्यवस्थापन महाशाखा प्रमुख भोगेन्द्र डोटेललाई मन्त्रालय तानिएको स्वास्थ्य मन्त्रालयका प्रशासन महाशाखा प्रमुख रघुराम बिष्टले बताए।
स्वास्थ्य सेवा विभागको महानिर्देशकमा मन्त्रालयमा रहेका दीपेन्द्ररमण सिंहलाई पठाइएको छ। साथै विभाग व्यवस्थापनमा रमेशप्रसाद खरेललाई पठाइएको छ।
श्रेष्ठ तीन महिना अघि स्वास्थ्य मन्त्रालयमै प्रवक्ताका रूपमा थिए। पछि उनलाई सरूवा गरेर स्वास्थ्य सेवा विभाग पठाइएको थियो।
उनले ओम्नी समूहसँग चीनबाट मेडिकल सामग्री ल्याउन गरेको सम्झौता विवादमा परेको थियो। पछि उक्त सम्झौता रद्ध गरिएको थियो।
केही दिनअघि स्वास्थ्य मन्त्रालयले सचिव पनि फेरेको थियो। सचिव यादवप्रसाद कोइरालाको ठाउँमा लक्ष्मण अर्याललाई ल्याइएको हो। कोइरालालाई भने प्रधानमन्त्री कार्यालय तानिएको छ।