बलात्कार गरी फरार भएका एक युवकलाई महानगरीय अपराध महाशाखाको टोलीले २४ घण्टा नबित्दै पक्राउ गरेको छ।
इलाम घर भई हाल ललितपुरको नख्खुमा बस्दै आएका २७ वर्षीय विजय गजमेरलाई महाशाखाको टोलीले पक्राउ गरेको हो।
उनले गएराति एक युवतीलाई कोठामा पुर्याइदिने भन्दै ललितपुरको एकान्तकुनामा लगेर गाडीमै बलात्कार गरेका थिए।
बलात्कारपछि फरार गजमेर लुकेर कोटेश्वरमा बसेको अवस्थामा पक्राउ गरिएको एसपी ईश्वर कार्कीले जानकारी दिए।
प्रहरीका अनुसार उनीहरू दुवै जना एकै स्थानमा काम गर्थे। रात परेपछि कोठामा पुर्याइदिने भन्दै गजमेरले युवतीलाई गाडीमा हालेर एकान्तकुना लगेका थिए।
.jpg)
