धनुषामा करिब १६ लाख २३ हजार रूपैयाँ बराबरको सुनसहित एक जना पक्राउ परेका छन्।
जनकपुर उपमहानगरपालिका ७ स्थित भमरपुरा चोकबाट सशस्त्र प्रहरीको टोलीले करीब १६ लाख २३ हजार रुपैयाँ बराबरको अवैध सुनसहित एक जनालाई आइतबार पक्राउ गरेको हो।
पक्राउ पर्नेमा महोत्तरी जिल्लाको बलुवा नगरपालिका ७ बस्ने ३४ वर्षीय रामचन्द्र साह छन्।
बा १० च ३५६८ नम्बरको भ्यानमा सवार साहलाई सशस्त्रको टोलीले जाँच गर्दा गाडीको सिटमुनि दुई सय ग्राम सुन फेला परेपछि पक्राउ गरेको हो।
सशस्त्र प्रहरीले उक्त भ्यान पनि नियन्त्रणमा लिएको छ। थप कारबाहीको लागि साहलाई भन्सार कार्यालय जनकपुरमा बुझाइएको छ।