कपिलवस्तुका पत्रकार नन्दराम पौडेलको सडक दुर्घटनामा मंगलबार साँझ मृत्यु भएको छ।
कपिलवस्तुको वाणगङ्गा जितपुरमा रहेको बुद्धआवाज पत्रीकाको सम्पादन र सेटिङ गरी बुद्धभूमिस्थित घर जाँदै गरेका पौडेल दुर्घटनामा परेका हुन्।
लु५९प ६४४१ नम्बरको मोटरसाइकलबाट घर जाँदै गरेका उनलाई वाणगङ्गाकै चप्परगाउँस्थित पूर्व-पश्चिम राजमार्गमा ना४ख ६२१७ नम्बरको ट्रकले ठक्कर दिँदा घटनास्थलमै मृत्यु भएको लुम्बिनी प्रदेश ट्राफिक प्रहरी कार्यालय बुटवलले जनाएको छ।
ट्रकको ठक्करबाट उनको शरीरको माथिल्लो भाग क्षतविक्षत भएको छ।
प्रहरीका अनुसार उनलाई ठक्कर दिने ट्रकको चालक फरार छन्।
पौडेलको शवलाई अहिले पोष्टमार्टमको लागि जिल्ला अस्पताल तौलिहवा लैजान लागिएको कपिलवस्तु प्रहरीले जनाएको छ।
पौडेल गत चैत्र २५ गते सम्पन्न नेपाल पत्रकार महासंघ लुम्बिनी प्रदेशको कोषाध्यक्षमा पराजित भएका थिए। पौडेलको छोरा काठमाडौं भएकोले उनी आएपछि बुधबार मात्रै कपिलवस्तुको लक्ष्मणघाटमा अन्तिम संस्कार गरिने परिवारले जनाएका छन्।
-1746009348.jpg)
