अब कोरोना भाइरसविरुद्धको खोप लगाउन बाँकी व्यक्तिले खोप लगाउनुपूर्व फाराम भर्नुपर्ने भएको छ।
स्वास्थ्य मन्त्रालयका प्रवक्ता डा. जागेश्वर गौतमले अर्को चरणको खोप अभियानका लागि खोप लगाउने व्यक्तिहरूले अगाडि नै फाराम भर्नुपर्ने जानकारी दिए।
उनले यो फाराम हाल खोप नलगाएका १८ वर्ष वा सोभन्दा माथिका व्यक्तिहरूलाई फारम भर्न आव्हान गरिएको बताए।
आवेदन फारामबाट प्राप्त भएका विवरण पालिका स्तरमा खोपसँग सम्बन्धित योजना तथा व्यवस्थापन गर्नका लागि सहज हुने गौतमले जनाए।
यद्यपि उक्त फाराम भर्नेवित्तिकै खोप लगाउन पाउने सुनिश्चितता भने नहुने भन्दै उनले त्यसको रेकर्ड राखिने बताए।
प्रवक्ता गौतमले खोप लगाउन चाहने व्यक्तिले आफ्नो व्यक्तिगत विवरण मा नाम दर्ता गर्न सकिने जनाए। तर अर्को खोप अभियान कहिलेबाट सुरु हुन्छ भने यकिन भएको छैन।