कुनै पनि दम्पतीले एक वर्षसम्म कुनै अस्थायी साधनको प्रयोग नगरी नियमित सम्पर्कमा बस्दासमेत बच्चा बस्न सकेन भने त्यसलाई इनफर्टिलिटी भनिन्छ।
श्रीमान र श्रीमतीमा समस्या छ भने इनफर्टिलिटी हुने हो। श्रीमानको शुक्रकिटमा केही समस्या छ, मधुमेह, उच्च रक्तचाप, थाइराइडलगायतका समस्या छन् भने अथवा गुप्तांगमा कुनै समस्या छ भने पनि इनफर्टिलिटी हुनसक्छ।
त्यस्तै श्रीमतीमा पाठेघर, पाठेघरको नली कि त डिम्बासयमा समस्या छ भने त्यसले इनफर्टीलिटी गराइरहेको हुन्छ।
डिम्बासयमा स-साना सिस्टहरू भएर समस्या हुन्छ। यसले गर्दा धेरै समस्या आइरहेको हुन्छ। यस्तो अवस्थामा महिनावारीमा समेत समस्या आउँछ।
कुनै पनि दम्पतीले चाहेर पनि एक वर्षसम्म बच्चा बस्न नसेकमा चिकित्सककहाँ जानुपर्छ। सबैभन्दा पहिला दम्पतीको सबै स्वास्थ्य परिक्षण गरिन्छ। त्यसपछि कसको समस्या हो छुट्ट्याउनुपर्छ। कुनै समस्या नभइकन इनफर्टिलिटी भएको हो भने त्यसको समेत उपचार गरिन्छ।
कतिपय अवस्थामा काउन्सिलिङले समेत काम गर्छ। उपचारबाट कुनै फाइदा भएन भने आइयुआई गरिन्छ। तीन पटकदेखि पाँच पटकसम्म यो प्रविधिबाट उपचार गर्न सकिन्छ। यसको सफलतादर १५ देखि २० प्रतिशत मात्रै छ। आइयुआईबाट समेत नभएमा आइभिएफ गर्नुपर्छ।
अहिले स्ट्रेस, खानपिन, जिवनशैलीले गर्दा इनफर्टिलिटी बढिरहेको छ। यसबाट जोगिन समयमै बिहे गर्नुपर्छ भने व्यवस्थित जिवनशैली अपनाउनुपर्छ।
इनफर्टिलिटीको समस्या, कसरी जोगिने, उपचारलगायतका विषयमा केन्द्रित रहेर हामीले अल्का अस्पतालमा कार्यरत प्रसुति तथा स्त्रीरोग एवं आइभिएफ विशेषज्ञ डा श्वेता सिंहसँग भिडिओ कुराकानी गरेका छौं।
हेर्नुहोस् भिडिओ