इसराइलले गजाका स्वास्थ्य संस्थाहरूमा आक्रमण गरेको भन्दै नेपालका आवासीय चिकित्सक संघहरूले निन्दा गरेका छन्।
बुधबार पाँच संघले संयुक्त विज्ञप्ति जारी गर्दै इसराइलले गजाका स्वास्थ्य संस्थाहरूमा गरिरहेको आक्रमणको निन्दा गरेका हुन्।
‘गजा क्षेत्रमा इसरायली सैनिक बलले स्वस्थ्य संस्थाका भौतिक संरचनामाथि गरिरहेको हिंसात्मक आक्रमणको नेपालका आवासीय चिकित्सक संघहरू निन्दा गर्दछ,’ विज्ञप्तिमा भनिएको छ।
युद्ध सुरू भएयता ६९३ जना चिकित्सक मारिसकेको पनि विज्ञप्तिमा उल्लेख छ।
गजामा तत्काल युद्धविराम गर्न, नाकाबन्दी हटाउन र मानवीय सहायता उपलब्ध गराउन माग गरेका छन्।
-1746009348.jpg)
