काम गर्ने क्रममा भिरबाट खसेर मृत्यु भएका मजदुरको शव सशस्त्र प्रहरीले साढे दुई घन्टाको प्रयासमा निकालेको छ।
कास्की माछापुच्छ्रे गाउँपालिका-१ जिमिरेस्थित करूवा सेती हाइड्रोपावरमा काम गर्ने मजदुरको बिहीबार दिउँसो काम गर्ने क्रममा अचानक अन्दाजी ३ सय मिटर माथि भिरबाट खसेर मृत्यु भएको सशस्त्र प्रहरी बलका सहप्रवक्ता डिएसपी शैलेन्द्र थापाले जानकारी दिए।
गोरखा शहिदलखन गाउँपालिका-२ का ५० वर्षीय यामबहादुर थापाको शवलाई सशस्त्र प्रहरी बल, नेपाल नं. २४ कालिका गण कास्कीबाट खटिएको विशेष विपद् उद्धार टोलीले निकालेको हो।
डोरीको सहायतामा भिरबाट निकालेर शव पोष्टमर्टमका लागि पश्चिमाञ्चल स्वास्थ्य विज्ञान प्रतिष्ठान पोखरा पठाएको छ।