धादिङमा ट्रक दुर्घटना हुँदा एक जना बालकको मृत्यु भएको छ।
निलकण्ठ नगरपालिका वडा नम्बर ५ खाल्टे भन्ने स्थानमा मल बोक्न जाँदै गरेको बा ३ ख ८९४७ ट्रक दुर्घटनामा परेको जिल्ला प्रहरी कार्यालयका प्रहरी निरीक्षक अभय लामाले जानकारी दिए।
दुर्घटना आइतबार बिहान करिब ११ बजे भएको हो।
उनका अनुसार दुर्घटनामा एक जनाको मृत्यु र ८ जना घाइते भएका छन्।
मृतक सोही वडाका राम रम्तेलका १० वर्षीय छोरा सन्तोष छन्।
अन्य ८ घाइतेको उपचारका लागि जिल्ला अस्पताल धादिङ लगिएको छ।
चालकको पहिचान खुलिसकेको छैन। दुर्घटना कसरी भएको भन्नेबारे पनि प्रहरीले अनुसन्धान गरिरहेको छ।