मिराज ढुंगाना नेतृत्वको जनेजी समूहले सरकारविरूद्ध प्रदर्शन गर्ने घोषणा गरेका छन्।
आइतबार काठमाडौंमा पत्रकार सम्मेलन गर्दै भोलि (सोमबार) देखि माइतीघर मण्डल लगायत जिल्ला-जिल्लामा प्रदर्शन हुने घोषणा गरेको छन्।
जेनजी आन्दोलनपछि बनेको सरकारले पनि भनेअनुसारले काम नगरेको भन्दै प्रदर्शन गर्न लागेको मिराज समूहका सदस्य प्रकाश शर्माले जानकारी दिए।
'हामी भोलि माइतीघर मण्डलबाट सुरू गर्नेछौं। जिल्लामा भएका साथीहरूले त्यहीँबाट प्रदर्शन गर्नेछन्,' शर्माले भने।
उनका अनुसार समूहले ७ बुँदे माग राखेर प्रदर्शन गर्न लागेको हो।
यी हुन् उनीहरूको माग:
१. हाल सम्मका सबै भ्रष्टाचार छानबिन गर्न अधिकार सम्पन्न आयोग गठन गर।
२. स्थिर सरकारका लागि प्रत्यक्ष निर्वाचित कार्यकारी प्रधानमन्त्रीको निर्वाचन गर।
३. विदेशमा रहेका नेपाली नागरिकलाई मताधिकारको व्यवस्था गर।
४. जेन ज विद्रोहलाई तत्काल राजनीतिक आन्दोलन घोषणा गर।
५. सहिद परिवार र घाइतेको उचित व्यवस्थापन गर।
६. २३ गते शान्तिपूर्ण आन्दोलनमा भएको दमनको निष्पक्ष छानबिन गरी दोषी उपर कडा कारबाही गर। २४ गतेको घटनालाई निष्पक्ष छानबिन गरी दोषी उपर कडा कारबाही गर।
७. प्रादेशिक खर्चले देशलाई आर्थिक रूपमा धेरै पछाडि पुर्याएको छ, त्यसैले प्रदेश सरकारका अनावश्यक खर्च व्यापक रूपमा घटाउन प्रदेश सरकारको पुनर्संरचना गर।
सुशीला कार्की नेतृत्वको अन्तरिम सरकारले जेन-जी समूहको माग अनुसार काम नगरेको उनीहरूको आरोप छ।
-1746009348.jpg)
