राष्ट्रिय प्रजातन्त्र पार्टीको तर्फबाट झापा-२ मा उम्मेदवार रहेका भद्रप्रसाद नेपाल (स्वागत नेपाल) ले साइबर ब्युरो पुगेर गलत अर्थ लाग्ने अभिव्यक्ति नदिने कागज गरेका छन्।
ब्युरो प्रवक्ता एसपी दीपकराज अवस्थीका अनुसार नेपाललाई बोलाएको बेलामा उपस्थित हुने छाडिएको छ।
नेपालले आफ्नो चुनावी अभियानका क्रममा सामाजिक सञ्जालमार्फत पृग्वीनारायण शाहको विरोध गर्नेको टाउको काट्ने, काट्नुपर्छ र आफू काट्न पनि तयार हुन्छु भन्ने हिंसात्मक अभिव्यक्ति दिएको आरोप छ।
यस्तो अभिव्यक्ति दिएपछि ब्युरोले उनलाई बोलाएको हो।
‘अब उप्रान्त यस्तो गलत अर्थ लाग्ने अभिव्यक्ति दिने छैन। कानुनको पालना गर्ने गरी अभिव्यक्ति दिनेछु भन्ने लिखित कागज गर्नुभएको छ,’ एसपी अवस्थीले भने।
-1746009348.jpg)
