बारामा धारिलो हतियार प्रहार गरी आमा-छोराको हत्या भएको छ।
बाराको परवानीपुर गाउँपालिका-१ रहरियाडीकी ५२ वर्षीया सुमित्री देवी र उनका छोरा ३२ वर्षीय रामेश्वर मण्डलको हत्या भएको हो।
जिल्ला प्रहरी कार्यालय बाराका प्रवक्ता डिएसपी विजयराज पण्डितका अनुसार घटना बिहान ३ बजेको हो।
सुमित्राको परिवार सुतिरहेको समयमा घरभित्र छिरेर एक व्यक्तिले अन्धाधुन्ध धारिलो हतियार प्रहार गरेका थिए।
घटनामा परिवारका थप तीन जना घाइते भएको पनि डिएसपी पण्डितले जानकारी दिए।
बुवा जगरूक मण्डल, र आमा-छोरी किरण र मनिता देवी घाइते छन् ।
उनीहरुको बाराको परवानीपुरस्थित एलएस न्युरो अस्पतालमा उपचार भइरहेको छ ।
डिएसपी पण्डितले घटनास्थलमा तालिमप्राप्त कुकरसहित प्रहरी खटाइएको जानकारी दिए।
'अहिले हामी अनुसन्धानकै क्रममा छौं। तालिमप्राप्त कुकर पनि खटाइएको छ,' उनले सेतोपाटीसँग भने।
मध्यरातपछि घटना भएका कारण छिमेकीले समेत थाहा नपाएको हुन सक्ने प्रहरीको अनुमान छ।
-1746009348.jpg)
