पाटन अस्पतालका मेडिकल अंकोलोजिस्ट डा. अरूण शाही अमेरिकास्थित द म्याक्स फाउण्डेसनको ग्लोबल थिंक ट्यांक सदस्यमा नियुक्त भएका छन्।
यो नियुक्तिले आफूलाई थप अनुभव हुने र काम गर्न प्रोत्साहन मिल्ने डा. शाहीले बताए।
‘यो संस्थामा अमेरिकाको वरिष्ठ चिकित्सक, वैज्ञानिक, नीतिनिर्माताहरू साथै अन्य देशका चिकित्सकहरू पनि हुनुहुन्छ। देशको प्रतिनिधित्व गरेर संस्थामा रहन पाउनु मेरो लागि ठूलो अवसर हो,’ उनले भने, ‘गरिब देशहरूमा क्यान्सरको उपचारमा पहुँच पुर्याउने, भूगोल र पैसाले मान्छेको आयु तय गर्ने अवस्थाको अन्त्य हुनुपर्छ भन्ने यसको लक्ष्य हो।’
नेपालमा यो संस्थाले वार्षिक २ देखि ५ करोडसम्मको औषधि अनुदान दिँदै आएको छ।
अहिले पनि २५ सय बिरामीले यो सेवा लिइरहेको शाहीले बताए।
-1746009348.jpg)
