मकवानपुरको हेटौंडा उपमहानगरपालिका-१६ चिसापानीमा भेटिएको शंकास्पद वस्तु डिस्पोज गरिएको छ।
मंगलबार बिहान सवा ५ बजे अस्थायी प्रहरी पोस्ट हटिया मकवानपुरबाट खटिएको मोटरसाइकल गस्ती टोलीले चिसापानीस्थित धरान-चतरा खण्डको बीच सडकमा सेतो कपडाले बेरिएको र बाहिर खतरा लेखिएको शंकास्पद वस्तु फेला पारेको थियो।
जिल्ला प्रहरी कार्यालय मकवानपुरका अनुसार बीच सडकमा शंकास्पद वस्तु भेटिएपछि डिस्पोजका लागि सेनाको टोली बोलाइएको थियो।
बिहान ८:१० बजे उक्त वस्तु डिस्पोज गर्दा कार्टुनमा कपडा बेरेर राखिएको पाइएको हो। कार्टुनमा प्लास्टिक मात्रै रहेको भेटिएको पनि जिल्ला प्रहरी कार्यालय मकवानपुरले जनाएको छ।
उक्त वस्तु सडकमा राख्नेको खोजी भइरहेको प्रहरीले जनाएको छ।
-1746009348.jpg)
