प्रहरीले गोली चलाएर लागुऔषध कारोबारीलाई समातेको छ।
नेपाल प्रहरीको लागुऔषध नियन्त्रण ब्युरोको नेपालगन्ज कार्यालयबाट खटिएको टोलीले मंगलबार राति १०:४५ बजे नेपालगन्ज उपमहानगरपालिका-१४ बाट एक जना भारतीयलाई नियन्त्रणमा लिएको हो।
ब्युरोका अनुसार भारततर्फबाट आउँदै गरेको मोटरसाइकललाई प्रहरीले रोक्न भनेका थिए।
तर मोटरसाइकल रोक्दै नरोकी भागेपछि टोलीले चेतावनी स्वरूप दुई राउन्ड हवाई फायर गरेको ब्युरोका सह-प्रवक्ता जीवन निरौलाले जानकारी दिए।
त्यसपछि पनि नरोकेपछि प्रहरीले मोटरसाइकलको टायरमा गोली हानेर ती व्यक्तिलाई नियन्त्रणमा लिएको हो।
नियन्त्रणमा लिएका ती व्यक्ति भारत उत्तर प्रदेशको बहराइच जिल्ला रूपैडिया थाना चकिया रोड ठेगाना भएका २४ वर्षीय नदीन राई छन्।
उनको साथबाट १०३.७९० ग्राम खैरो हेरोइन बरामद भएपछि ब्युरोले आवश्यक अनुसन्धान र काबाहीका लागि जिल्ला प्रहरी कार्यालय बाँकेमा बुझाएको छ।
उनले चढ्ने यूपी ४० जे ०६५७ नम्बरको मोटरसाइकल पनि प्रहरीले नियन्त्रणमा लिएको छ।
घटनाबारे थप अनुसन्धान भइरहेको प्रहरीले जनाएको छ।
-1790072299.jpg)
-1746009348.jpg)
