इन्डियन प्रिमियर लिग (आईपीएल) २०२५ मा कोलकाता नाइट राइडर्स (केकेआर) ले दिल्ली क्यापिटल्सलाई १४ रनले पराजित गरेको छ। दिल्लीमा भएको खेलमा केकेआरका सुनिल नारायणको उत्कृष्ट प्रदर्शनले टिमलाई महत्वपूर्ण जित दिलायो।
पहिले ब्याटिङ गरेको केकेआरले २० ओभरमा ९ विकेट गुमाएर २०४ रन बनायो। अङ्क्रिश रघुवंशीले ४४ रनको योगदान दिए भने रिंकु सिंहले ३१ रन जोडे।
दिल्लीका मिचेल स्टार्कले ३ विकेट लिए भने कप्तान अक्षर पटेलले २ विकेट हात पारे। कोलकताले अन्तिम ५ ओभरमा मात्र ४५ रन जोड्दा ठूलो स्कोर बनाउन चुकेको थियो।
दिल्लीको जवाफी ब्याटिङ: २०५ रनको लक्ष्य पछ्याएको दिल्लीले २० ओभरमा ९ विकेट गुमाएर १९० रन मात्र बनाउन सक्यो। फाफ डु प्लेसिसले ६२ रन र अक्षर पटेलले ४३ रनको योगदान दिए पनि टिमलाई जितसम्म पुर्याउन सकेनन्। अ
न्तिमतिर विप्रज निगमले १९ बलमा ३८ रनको आक्रामक पारी खेले, तर यो प्रयास पर्याप्त भएन।
केकेआरका सुनिल नारायणले ३ विकेट लिंदै खेलको टर्निङ प्वाइन्ट बनाए। उनले अक्षर पटेल र ट्रिस्टन स्टब्सलाई एकै ओभरमा आउट गरेर दिल्लीको इनिङ्सलाई ध्वस्त पारे।
दिल्लीले १३६/३ को बलियो अवस्थाबाट १९०/९ मा खुम्चिनु पर्यो, जसमा नारायण र चक्रवर्तीको स्पिन जोडीले १७ बलमा ५ विकेट लिएर मात्र १२ रन दिए।
