आइसिसी टी-२० विश्वकप २०२६ अन्तर्गत एसिया एन्ड इएपी छनोटमा ओमानले जापानलाई पराजित गरेको छ। शुक्रबार घरेलु टोली ओमानले जापानमाथि ९ विकेटको जित निकालेको छ।
जितसँगै ओमान अंक तालिकाको दोस्रो स्थानमा उक्लियो। अन्तिम खेलसँगै ओमानले ८ अंक जोडेको छ। शीर्ष स्थानको नेपालको पनि ८ अंक नै छ। रनरेटमा नेपाल अघि छ। नेपालको रनरेट ०.७४५ छ भने ओमानको रनरेट ०.४५६ छ।
आज ओमान विजयी भएसँगै ६ अंक जोडेको युएई भने तेस्रो स्थानमा झरेको छ। नेपाल, ओमान र युएई शीर्ष तीन टोली अर्को वर्ष भारत र श्रीलंकामा हुने टी-२० विश्वकपमा पुगिसकेका छन्।
अब छनोटमा नेपाल र सामोआबीच अन्तिम खेल बाँकी छ। खेल सवा चार बजे सुरु हुनेछ। यो खेलबाट च्याम्पियन टोलीको टुंगो लागेको छ। जित निकालेको अवस्थामा नेपाल च्याम्पियन हुनेछ।
नेपाल झिनो अन्तरले पराजित भएको अवस्थामा पनि च्याम्पियन हुने अवस्था छ। किनभने रनरेटमा नेपाल अघि छ। अहिलेको रनरेटमा धेरै फरक नपरेमा पराजित भए पनि नेपाल च्याम्पियन बन्न सक्नेछ।
जारी सुपर-६ मा सामोआले कुनै पनि खेलमा जित निकालेको छैन।अपराजित रहेकाले पनि नेपाल बलियो अवस्था छ।
1635339834.jpeg)
-1746009348.jpg)
