प्रधानमन्त्री कप एकदिवसीय क्रिकेट प्रतियोगितामा बागमती प्रदेशले दोस्रो जित निकालेको छ।
बागमतीले बुधबार जनकपुरमा भएको खेलमा कर्णाली प्रदेशलाई ६० रनले हरायो।
बागमतीले दिएको १८१ रनको लक्ष्य पछ्याएको कर्णाली २५.१ ओभरमा १२० रनमा अलआउट भयो। उसका लागि निश्चल रावलले ३१ रन बनाए।
बलिङमा बागमतीका कप्तान सन्दीप लामिछानेले ७ विकेट लिए। उनले ९.१ ओभरमा १ मेडन राख्दा ४० रन दिए।
त्यसअघि पहिले ब्याटिङ गरेको बागमती ३८.४ ओभरमा १८० रनमा अलआउट भयो। उसका लागि विवेक मगरले ५६ रन र इशान पाण्डेले २७ रन जोडे।
बलिङमा कर्णालीका दिवान पुनले ३ विकेट लिए भने प्रकाश जैसी, दीपेन्द्र रावत र निश्चल रावलले २-२ विकेट लिए।
बागमतीले पाँच खेलमा दोस्रो जित निकाल्दा कर्णाली भने पाँच खेलमा तीन खेलमा पराजित भइसकेको छ।
