नेपाल क्रिकेट संघ (क्यान) को शनिबारका लागि बोलाइएको बोर्ड असन्तुष्टि पक्षको बहिष्कारका कारण प्रभावित बनेको छ।
क्यानले नेपाल प्रिमियर लिग, साधारण सभा, बजेट, बार्षिक कार्यक्रम, लेखा परीक्षकको प्रतिवेदनको अनुमोदान लगायतका विषयमा छलफल गर्न शनिबार बोर्ड बैठक आह्वान गरेको थियो।
तर उपाध्यक्ष रोशन सिंहसहितका असन्तुष्ट पक्ष अनुपस्थित भएपछि बैठक सोमबारसम्मका लागि स्थगित गरिएको छ।
क्यानको असन्तुष्ट पक्षले नेपाल प्रिमियर लिगको हिसाब माग गर्दै आएको छ। साथै क्यानले वार्षिक साधारण सभा नगरेको पनि दुई वर्ष बित्न लागिसकेको छ।
पछिल्लो समय असन्तुष्ट बनेका केन्द्रीय सदस्यहरुलाई क्यानले नेपाल प्रिमियर लिगको हरहिसाब माग गरेको एक वर्षसम्म पनि उपलब्ध गराएको छैन।
असन्तुष्ट पक्षले बैठक बहिष्कार गरेपछि उपलब्ध सदस्यबीच अनौपचारिक छलफल भएको थियो। त्यसपछि क्यानले सोमबारका लागि बैठक बोलाएको हो।
-ink-1753942203.jpeg)
