अन्तर्राष्ट्रिय क्रिकेट काउन्सिल (आइसिसी) का प्रतिनिधिले माथिल्लो मुलपानी क्रिकेट मैदान र त्रिवि क्रिकेट मैदानको पूर्वाधारको निरीक्षण गरेका छन्।
नेपालले बंगलादेशसँग मिलेर आइसिसी यू–१९ महिला विश्वकप २०२७ आयोजना गर्नुअघि आइसिसीको टोलीले दुवै मैदानको निरीक्षण गरेको हो।
यू–१९ महिला विश्वकप २०२७ को सुरुवातमा हुने भनिए पनि प्रतियोगिताको खेल तालिका भने सार्वजनिक भइसकेको छैन। प्रतियोगितामा नेपाल र बंगलादेशसहित १६ टोलीले सहभागिता जनाउनेछन्। १६ टोलीलाई चार समूहमा विभाजन गरिनेछ।
विश्वकपका खेल माथिल्लो मुलपानी र त्रिवि क्रिकेट मैदानमा सञ्चालन गर्ने तयारी गरिएको छ। तल्लो मुलपानी क्रिकेट मैदानलाई भने अभ्यास मैदानका रूपमा प्रयोग गर्ने तयारी छ। यद्यपि, विश्वकपका कति खेल नेपालमा सञ्चालन गर्ने भन्ने टुंगो लागिसकेको छैन।
आइसिसीको प्रतिनिधिमण्डलले मैदानको अवस्था र विभिन्न प्राविधिक पक्षको निरीक्षण गरेको हो। टोलीले सुरुमा माथिल्लो मुलपानी क्रिकेट मैदानको निरीक्षण गरेको थियो। त्यसपछि दिउँसो त्रिवि क्रिकेट मैदान पुगेको थियो।
विशेषगरी टोलीले प्रसारण सञ्चालन (ब्रोडकास्ट अपरेसन) तथा एन्टी करप्सन सम्बन्धी पूर्वाधारको निरीक्षण गरेको थियो। खेलको प्रत्यक्ष प्रसारणका लागि आवश्यक संरचना तथा खेलको निष्पक्षता सुनिश्चित गर्न अपनाइने एन्टी करप्सन प्रोटोकलका विषयमा पनि जाँच गरिएको थियो।
यस्तै, मैदानबाहिरका लजिस्टिक व्यवस्थापन, क्यामेरा तथा अन्य प्राविधिक उपकरण जडान र सञ्चालनका लागि आवश्यक संरचनाबारे पनि निरीक्षण गरिएको थियो। निरीक्षणपछि आइसिसीको टोलीले आवश्यक सुधार तथा व्यवस्थापनका विषयमा सुझाव र सिफारिस गर्नेछ।
मैदानको आउटफिल्ड र पिचको अवस्था आइसिसीले तोकेको मापदण्डअनुसार हुनुपर्नेछ। खेलको प्रसारणका लागि आवश्यक क्यामेरा प्लेटफर्म, फ्लडलाइट तथा अन्य प्राविधिक उपकरण जडान गर्ने स्थानको पनि सुनिश्चितता हुनुपर्नेछ।
त्यस्तै, दर्शकको सुरक्षा, मैदान प्रवेश तथा निकासको व्यवस्था र एन्टी करप्सनका लागि आवश्यक प्रोटोकल पूरा भएको हुनुपर्नेछ।
प्यारापिट तथा स्ट्यान्डको अवस्था, सिटको व्यवस्था र दर्शकका लागि आवश्यक आधारभूत सुविधाको समेत भौतिक निरीक्षण गरी आवश्यक सुधारका लागि सुझाव दिइनेछ।
सबै तस्बिर: नवीनबाबु गुरूङ/सेतोपाटी
-1790506568.jpeg)
-1790506567.jpeg)
-1790506567.jpeg)
-1790506565.jpeg)
-1790506565.jpeg)
-1790506566.jpeg)
-1790506566.jpeg)
-1790506565.jpeg)
-1790506565.jpeg)
-1790506565.jpeg)
-1790506565.jpeg)
-1788334994.jpg)
-1746513231.jpg)
