सम्पादकीय नोट: हामीले केटाकेटीहरूका लेख शृंखला सुरू गरेका छौं। आफ्ना नानीबाबुले नेपाली भाषामा लेखेका अनुभव, कथा, कविता, निबन्ध लगायत सिर्जनात्मक रचना तल दिइएको इमेल ठेगानामा पठाउनुहोस्, हामी प्रकाशित गर्नेछौं।
...
कविता:
सबैले चिनेको चिज हो कापी
ज्ञानीगुनी बन्नका लागि हो चाबी
गर्छौं हामी सबैले कापीको प्रयोग
कलमले गर्छ यसमा लेख्न सहयोग
कापी हो हामी सबैको साथी
यसको सहयोगले पुग्नेछौ माथी
हामी अहिले छौं स-साना बच्चा
कापीको सहयोगले बन्नेछौं सच्चा
विषय विषयका कापी हुन्छन् हेर
लेख्ने पढ्ने गरौं नफालौं समय खेर
कुनै कापीमा हुन्छ लेख्न रेखा तानेको
कापीमा धेरै लेखे भइन्छ धेरै जानेको
कुनै कापी हुन्छ चित्र कोर्न खाली
विद्यालय जाने कहिले हो यस पाली
सबै कापी हुन्छन् विरूवाबाट बनेका
लेख्नुपर्छ सबैकुरा शिक्षकले भनेका
(रूविआ पराजुली बुढानिलकण्ठ स्कुल, काठमाडाैंमा कक्षा ६ मा अध्ययनरत छिन्।)
लेख पठाउने इमेल: (नेपालीमा लेखिएका लेख मात्र प्रकाशन हुनेछन्)
-1746009348.jpg)
