काठमाडौंको मण्डला थिएटरमा अहिले दर्शकलाई हसाउने एक फरक खालको नाटक मञ्चन भइरहेको छ— 'ग्राण्ड रिहर्सल'।
यो नाटक परम्परागत कथाभन्दा अलि अलग छ। यहाँ कथाभन्दा बढी ‘अभ्यास’ नै कथा बनेको छ। अभ्यासकै क्रममा साना–साना गल्तीहरू कसरी ठूला अव्यवस्थामा बदलिन्छन् भन्ने दृश्यहरूले नाटक अगाडि बढ्छ। कलाकारहरूले संवाद बिर्सिन्छन्, एकअर्कासँग तालमेल बिग्रिन्छ, मञ्चका सामग्री बिग्रिन्छन्—तर यिनै कमजोरीहरू नै दर्शकका लागि मुख्य मनोरञ्जन बन्छन्।
बेलायती समूह Mischief Theatre का Henry Lewis, Jonathan Sayer र Henry Shields को हास्य शैलीबाट प्रभावित यो नाटकलाई अनुप न्यौपाने र उमेश तामाङले नेपाली परिवेशमा ढालेका हुन्। निर्देशन पनि तामाङकै हो।
'नाटकभित्रको नाटक' शैलीमा बनेको यस प्रस्तुतिले एउटा फरक सन्देश दिन्छ—मञ्चमा देखिने त्रुटि र संघर्ष पनि कलाकै हिस्सा हुन्। पूर्णता होइन, अपूर्णतामै पनि सौन्दर्य हुन्छ भन्ने भाव नाटकले सरल तरिकाले देखाउँछ।
नाटकमा अनुप न्यौपानेसँगै मिलन कार्की, सुदीप खतिवडा, रुजा राउत, रक्षा थापा, सन्तोष गिरी, श्रीशेष श्रेष्ठ, अमिर ताम्राकार, सुजन घिमिरे, बलबहादुर राई र राजाबाबु कार्कीले अभिनय गरेका छन्।
जेठ ३ गतेसम्म चल्ने यो नाटक करिब १ घण्टा ३० मिनेट लामो छ। सोमबार बाहेक हरेक साँझ ५:३० बजे र शनिबार दिउँसो १:३० बजे अतिरिक्त शो सहित मञ्चन भइरहेको छ।
तस्बिरहरू:
-1777348944.jpg)
-1777348944.jpg)
-1777348944.jpg)
-1777348944.jpg)
-1777348944.jpg)
-1777348943.jpg)
-1777348943.jpg)
