भक्तपुरको मध्यपुर थिमी नगरपालिकामा नेपाली कांग्रेसले अग्रता बढाएको छ।
२५ सय मत गणनामा गठबन्धनबाट उम्मेदवार बनेका कांग्रेसका सुरेन्द्र श्रेष्ठले १३१६ मत पाएका छन्। उनलाई एमालेका मदन सुन्दर श्रेष्ठले १०११ मतसहित पछ्याइरहेका छन्।
प्राप्त पछिल्लो परिणाम अनुसार उपमेयरमा एमालेकी उत्तरा नेपालले अग्रता लिएकी छन्। उनले ११४९ मत पाएकी छन्। उनलाई गठबन्धनका तर्फबाट माओवादी केन्द्रका विजय कृष्ण श्रेष्ठले ९९५ मतसहित पछ्याइरहेका छन्।
