प्रतिनिधि सभामा प्रमुख प्रतिपक्षी नेकपा एमालेको नाराबाजीबीच सरकार बजेट प्रतिस्थापन विधेयक पेस गरेको छ।
अर्थमन्त्री जनार्दन शर्माले यसअघि केपी शर्मा ओली सरकारले अध्यादेशमार्फत् ल्याएको बजेटलाई प्रतिस्थापन गर्दै विधेयक ल्याएका हुन्।
शर्माले विधेयक पढिरहँदा एमालेका सांसद भने उग्र हुँदै नाराबाजी गरिरहेका थिए। त्यसैबीचमा एक जना सांसदले टेबलमा रहेको माइक तानेकी थिइन्।
उनलाई त्यहाँ खटिएका मर्यादापालकले रोकेका थिए। माइक तान्ने एमालेकी सांसद रेखा झा हुन्। उनी रौतहटकी समानुपातिक सांसद हुन्।
बैठक सकिएपछि उनले सभामुखलाई हिर्काउन माइक तानेको बताएकी छन्।
‘उहाँले संविधानविपरीत संसद चलाएका उहाँलाई हिर्काउनकै लागि मैले माइक तानेकी हुँ,’ झाले भनिन्।
-1746009348.jpg)
