बजारमा ड्रागन फ्रुटको सिजन सुरू भएको छ।
अहिले बल्खु तरकारी बजारमा प्रतिकिलो थोक मूल्य तीन सयदेखि तीन सय ५० रूपैयाँ किलोसम्म बिक्री भइरहेको नेपाल फलफूल थोक व्यवसायी संघ, काठमाडौंका उपाध्यक्ष मेघनाथ चौलागाईंले जानकारी दिए।
'यसको गुणस्तर र आकार अनुसार मूल्य फरक हुन्छ,' उनले भने।
उनका अनुसार ड्रागन फ्रुट थोक बजारमा धेरै परिमाणमा आउँदैन। खुद्रा व्यापारीहरूले किसानसँगको प्रत्यक्ष सम्पर्क गरेर आफैं बेच्न ल्याउँछन्।
त्यस्तै, किसानले पनि फार्म त बजारमा आफैं पनि बेच्न सक्छन्।
बजारमा ड्रागन फ्रुटको मुख्य सिजन असारदेखि भदौसम्मलाई मानिन्छ।
