नेपालका लागि महिन्द्रा अटोमोबाइल र ट्रयाक्टरहरूको आधिकारीक वितरक अग्नी ग्रुपले विश्वकर्मा पूजा, दसैं, तिहार र छठ पूजालाई लक्षित गरी 'महिन्द्रा उत्सव २०२३' विशेष योजना महिन्द्रा ट्रयाक्टर खरिद गर्ने ग्राहकहरूका लागि लागु गरेको थियो।
उक्त योजना अन्तर्गतका विजेताहरूको नामावली लक्की ड्रमार्फत् गत चैत ६ मा सार्वजनिक गरिएको थियो।
जसमा वीरगञ्ज निवासी आदेश कुँवरले महिन्द्रा इलेक्ट्रिक तीन पांग्रे रिक्सा–ट्रियो यारी, विर्तामोड निवासी मिसेक फयाकले जावा फोर्टी टु मोटरसाइकल र चरिकोटको देवकोटा निर्माण सेवाले पाँच केभिए महिन्द्रा पावरोल जेनेरेटर जितेका थिए।
विजेताहरूलाई स्थानीय कार्यक्रममार्फत् उपहार प्रदान गरिने कम्पनीले जानकारी दिएको थियो।
त्यसै अनुरुप ५ केभए महिन्द्रा पावरोल जेनेरेटर जितेका चरिकोटका देवकोटा निर्माण सेवालाई वैशाख २६ गते काठमाडौंमा पुरस्कार हस्तान्तरण गरिएको छ।
त्यसैगरी जावा फोर्टी टु मोटरसाइकलका विजेता मिसेक फयाकलाई विर्तामोडमा वैशाख २७ गते स्थानीय कार्यक्रम मार्फत् पुरस्कार हस्तान्तरण गरिएको थियो भने महिन्द्रा इलेक्ट्रिक तीन पांग्रे रिक्सा–ट्रियो यारी जितेका आदेश कुँवरलाई वीरगञ्जमा वैशाख २९ गते विशेष कार्यक्रमको आयोजना गरी पुरस्कार हस्तान्तरण गरिएको थियो।
