सांग्रिला मोटर्सले लिपमोटरको नयाँ विद्युतीय एसयुभी बी०३ एक्स सार्वजनिक गर्ने तयारी गरेको छ।
साउन महिनाको अन्तिम साताभित्र सार्वजनिक गर्ने तयारी भइरहेको कम्पनीको भनाइ छ।
कम्पनीले गाडीलाई नेपाली बजारमा आधुनिक प्रविधि, आकर्षक डिजाइन र प्रतिस्पर्धी क्षमतासहित ल्याउने जनाएको छ।
नेपालमा आउने बी०३ एक्समा ५३ किलोवाट–क्षमताको ब्याट्री र १४५ किलोवाट क्षमताको विद्युतीय मोटर रहनेछ।
सुरूमा यो गाडीमा ९३ किलोवाटको मोटर भएता पनि युरोप निर्यातका लागि गाडीमा १ सय ४५ किलोबाटको मोटर जडान गरिएको छ।
युरोप जाने गाडी नै नेपालमा ल्याउने सांग्रिला मोटर्सले जनाएको छ।
गाडीमा १४.६ इन्चको टचस्क्रिन इन्फोटेन्मेन्ट सिस्टम, लेभल–२ एडास लगायतका आधुनिक सुविधा उपलब्ध हुनेछन्।
एक पटकको चार्जमा करिब ४२५ किलोमिटरसम्मको रेन्ज प्रदान गर्ने कम्पनीले बताएको छ।
सांग्रिला मोटर्सले बी०३ एक्सको आधिकारिक मूल्य सार्वजनिक गरेको छैन।
यस गाडीको सुरुआती मूल्य ४० लाख र प्रिमियम गाडीको मुल्य बढीमा ५० लाखसम्म हुने अनुमान गरिएको छ।
